|
وال زايد عزوتي هم هل الجمع الرزين*تشبع الضبعه بجراتهم والطير حام
قصيدة للشاعر قريم الشكره الدوسري يمدح فيه ربعه وقبيلته
يالله اني طالبك يامعين الصابرين=يارفيع العرش ياللي دخيله مايضام ياالهي عونتك مانبي غيرك عوين=من ختلنا بالردى طاح في سوه شمام هاضني علم جعل من سعابه مايزين =يوم زانت لي على الكيف بيحت الغرام استوى يومٍ على نمرة اربع بالقطين=عجةٍ كدرا يغني بها ورق الحمام يوم سببها الردي عودت للمستحين=واستوى يوم عبوس على ******** يوم ****** نهق مثل عير في بطين=لين فشوا نعمته وادركوا منه المرام واستوى يوم عليهم يسر الناظرين =سولفوا به بالمجالس مودية العلام العشًير طاح بنحور ربعٍ مضرمين=طوحوا به لابتي مثل تطويح المقام من سبايب ربعي اللي عليهم غاشمين =ضربهم في هامة الراس والا بالعظام ربعي اللي في جميع المراجل صاملين=سعد منهم لابته لاغدا فيها زحام الغرابا صلب جدي كعام العايلين=لانهق عير يحطون في خشمه خزام نسل شكر اللي على الطايله متنومسين=اظهروا ست النضا من ثلاثين تمام وال حسن اهل الغروس الدجايا الصاملين=مثل زومات البحر لاتزجر ثم زام وال زايد عزوتي هم هل الجمع الرزين=تشبع الضبعه بجراتهم والطير حام من على وقت الجدود وعصور الاولين=من وقع في شرهم ماتهنا بالمنام لابتي وداية الاجنبي متعمديــــــــــــــن=الفخر للي ودا الجار من جدر هدام يامسوي البن صبه وخص الطيبين=واثلثه للي دكم حربة العايل شمام وغير ذا حنا لهم في مقابيل السنين=لين راع الحق يقتص حقه بالتمام خاتم قولي بذكر النبي ياحاضرين=عد ماهلت مزونه ومن صلى وصام وللمزيد من قصائد الشاعر الرجاء المرور على هذا الرابط http://www.aldawasser.com/vb/showthread.php?t=7300 |
صح لسان الشاعر
وبيض الله وجهك يافالح على ذالقصيده الطيبه اخوك (ابو زابن) |
بسم الله الرحمن الرحيم
السلام عليكم ورحمة الله وبركاته. شكراً لك اخي الكريم على هذه القصيده الطيبه بس وين الجعاثنة .عبدالله ابن مشنان ودليل ابن سالم .ومسلم ابن محمد.وشايع ابن برجس ماعديت فعلهم . |
مرحبا فيك يابوزابن شرفني مرورك
الاخ تركي بن مشنان الشكرة والله والنعم بالجعاثنه جميعهم بس لو قريت مناسبة القصيده كان عرفت وش قصد الشاعر الله يرحمه والمناسبة ان ربعه الغرابا صار بينهم وبين قوم ثانين خلاف على ماء وكان الحق مع ربعه وقدروا بفضل الله صدهم والحفاظ على حقهم. ووصل الخبر لشاعرنا وهو بالمنطقة الشمالية وذلك قبل اكثر من 50 سنه فقال القصيده السابقه وبدا اولا بمدح جماعته القريبين اللي صدوا القوم ومن ثم تدرج بمدح الشكره ثم ال حسن ثم ال زايد. فالشاعر الله يغفرله ويرحمه لم يهمل الجعاثنه ولا اي بطن بالشكره ولكن شملهم كلهم بالشكره.وياهلا فيك اخوي تركي بن مشنان شرفني مرورك. |
صح الله لسان الشاعر
ولاهنت اخوي فالح على القصيدة الرائعه تقبل تحياتي،، |
ياهلا ومرحبا فيك ياهايف العماني ، تشرفت وتشرف الموضوع بمرورك .
|
الغرابا صلـب جـدي كعـام العايليـن=لانهق عير يحطون في خشمـه خـزام نسل شكر اللي على الطايله متنومسيـن=اظهروا ست النضا مـن ثلاثيـن تمـام وال حسن اهل الغروس الدجايا الصاملين=مثل زومات البحـر لاتزجـر ثـم زام وال زايد عزوتي هم هل الجمع الرزين=تشبع الضبعه بجراتهـم والطيـر حـام من على وقت الجدود وعصور الاوليـن=من وقع فـي شرهـم ماتهنـا بالمنـام الله يعطيك العافية على كتابة هذه القصيدة الجزلة والنعم في الغرابا الله يرحم الشاعر قريم الشكره الدوسري ____________ |
يامرحبا فيك يانمر بن شبيب ، شاكرلك مرورك وكلامك الطيب الله يجزاك خير ويرحم والديك
|
رحمه الله رحمة واسعه شاعر هذه القصيـــدة و سلمت أيدينك الي كتبت هذه الابيات.. ويعطيك العافيه لا عدمناك.. |
ياهلا ومرحبا فيك يابن حفيظ شرفتني وتشرف الموضوع بمرورك ، والله يجزاك خير الجزاء على كلامك الطيب ورحم الله والديك
|
اقتباس:
يامرحبا فيك يانمر بن الاشيب ، شاكرلك مرورك وكلامك الطيب الله يجزاك خير ويرحم والديك |
صح الله لسان الشاعر
ولاهنت اخوي فالح على القصيدة الرائعه تقبل تحياتي،، |
اقتباس:
|
السلام عليكم ورحمة الله وبركاته اخي الكريم فالح القصيده المذكوره لشاعر قريم هي تحكي هيه بين الشكره وال مره في نمرة اربعه التابعه لارامكو وقد كان موجود في الهيه عبدالله ابن مشنان ودليل ومسلم ابن سليمان و ناجي ابن جرشان وكان صغير سن تقريبا 13 سنه وفهد ابن منيغص وقد اتوا بعد ان سمعوا صوت العزاوي على الماء وقد حضرو بعد فتور الهيه ونفكاك الطرفين وقد توفي من الشكره ناجي ابن معجب وكانت الأصبات بين الطرفين وقد حضر مع الجعاثنه معجب (المطناج) معهم بعد وفات والده وكان ممسوك من امه وزوجته وكان العشير قادم من قطر ماخذ شرهته ولما اتا وجد ولده الي هو عمه جلدة راسه طايحه على اذنه فصاح في ربعه وجى للعد وكان على العد وقتها الجعاثنه ومعجب وتسابقوا على العشير وأول من اهوا عليه معجب وتوالا الضرب في العشير ومات على أيديهم وكان متواجد فريقين من الرفاقه لم يساعدو الشكره في هيتهم مع ال مره وهم معروفين لدي ولا اريد ذكر اسامي الفريقين وابلا الغرابا فيها البلا الحسن الذي يطلق وجيهم وفيه قصيده شايع ابن برجس الشكره وقصيدة هديبان الخييلات موجوده وأتمنى لك جزيل الشكر |
هلا باخوي ناجي الشكره ، تشرفت بمرورك على الموضوع وشاكر لك توضيحك لموقف اخواننا الجعاثنه الله يبيض وجيهم ويبيض وجهك .
ياليت تعطينا القصايد اللي عندك ولو على الخاص ولاهنت ياناجي |
اقتباس:
ورايتكم بيضاء يالجعاثنه والله يجزاكم خير الجزاء والنعم فيك و ب عبدالله بن مشنان ودليل بن سالم ومسلم بن محمد وشايع بن برجس والله يجزاهم خير الجزاء على فعلهم اللي يطلق وجيهم ووجيه اخواننا الجعاثنه الله يطول عمر من كان حي منهم في طاعة الله ويرحم من كان ميت منهم رحمه واسعه واعتذاري لكي اخوي تركي لاني ماكنت اعرف التفاصيل اخوك فالح الشكره |
توضيح وتبيين
[align=center]اشكرك اخوي فالح على ذكر هذه السالفة التي تعبر عن شجاعة وطيب فخذ من فخوذ الشكرة وهم الغرابا ويستاهلون على فعل ايمانهم.
وقد قرأت عدداً من الردود ومن ضمنهم رد الاخ/ ناجي الشكري واحب ان اوضح صحة الرواية والتي ذكرها حسب مايحب ليوافق هواه. ومن باب ان توضع النقاط على الحروف وتحفظ الحقيقة كما هي للتاريخ من دون تدخل اهواء وروايات اخرى . لأن الحقيقة يجب ان تقال وليست مصافاة وجيه ومجاملات. الحقيقة كما هي معلومة ومروية وموثقة عند الجميع , من شيبان الشكرة من ال ثاقب وال ابو علي وال محمد وجميع الرفاقة هي كالتالي: انه كان هناك 3 رجال من غير الغرابا وهم شكرة على المغراب ومعهم مايقارب 6 رجال من الغرابا وجمع كبير من قبيلة ال مرة وهم ليسوا بالقليل فقد كانوا 3 بطون كبيرة من ال مرة وهم ال فهدة وال عذبة وال قميع وخلطهم من ال مرة وكان عمدتهم ال فهدة وحصل سوءتفاهم بين ال3 رجال اللي من غير الغرابا وال مرة وضربوهم ال مرة وداسوهم في المغراب وهنا تدخل الغرابا الموجودين وفزعوا لهم وانسحب الثلاثة وبقت في وجيه الغرابا واشتبكوا وقاموا يتعزوون الغرابا وسمعوهم باقي ربعهم وتلافوا عليهم وقد قتل ناجي بن معجب في بداية الهية قبل ان يتلافون باقي ربعه وال مرة كاثرين عليهم وكان الغرابا قليل لايتجاوزون 18 رجال مقابل ال مرة ببطونهم الثلاثة وخلطهم وثور الله نصرهم ورفع رايتهم وفعلوا الغرابا فعلا اطلق وجيهم وخلا الرجال تعده بالقصايد اللي مشى ذكرها في انحاء الجزيرة وفي اثناء الهية فزع واحد من الحراجين اسمه مبارك بن زهران بهوية ولا ابطى ويقول بنفسه والله مافعلت الا هوية اهويت بها على رجالين ولكن الطيبين ينوش طيبهم غيرهم وفي اثناء الهية يوم كثروا الرجاجيل وكثروا المصابين تدخل منصوب الدولة اللي كان موجود في المنطقة وعرض سيارته بين الرجاجيل يبيهم ينفكون وكان في حوض الفرت قطع من اغراض الكمب من ضمنها مسحاة وهنا طمر معجب بن ناجي الغرابا في حوض الفرت وخذا المسحاة والا اللي يواليه مجموعة من رجال ال مرة من ضمنهم العشير وضربه على راسه بالمسحاة ضربة قويه فقعت راس العشير قطعة من المسحاة في يد معجب وقطعة على راس العشير وقطعة طاحت في الخد والرجاجيل يعاينون كلهم ال مرة والغرابا والمتفرجين اللي مافزعوا والقطين كلهم يعاينون واستمر الطق بين الرجاجيل يوم طويل لين انفك بعضهم من بعض وال مرة قدهم يبون فرقا الغرابا مما شافوا من الرجاجيل الصاملين وكثر الصوبا . هذا ماحصل والسالفة موثقة وعارفينها الشكرة والرفاقة والعالم كلهم على اللحام. وبالنسبة للي ذكرت ياخوي ناجي الشكري من الرجال الخمسة اللي من الجعاثنة فنعم بهم صبيان الشكرة والجعاثنة عندهم من العلوم الطيبة والافعال اللي يشهدون بها الرجال ما يغنيهم عن ذا السالفة . ويمكن انهم هدوا يوم خلصوا الرجال بعضهم من بعض وانفكوا وتجمعوا مع الناس ولكن الهية الاولة اللي صار فيها الذبح والصواب وضرب الرجال واليوم الاقشر فلا هم ولا غيرهم من الشكرة والرفاقة . والرجال يعرفون بعضهم بعض ومامسك ولا سجن الا الغرابا كلهم ولامعهم احد واللي ينكر فلا عنده سالفة ويقول فلان سجن يوم هد وعرفوه الرجاجيل . وال مرة يعرفون قبلاهم ويشوفون بعيونهم الرجاجيل اللي قابلوهم وسجنوا الغرابا كلهم وحكم على معجب بن ناجي الغرابا بالقتل قصاصا لقتله العشير بشهادة الشهود وحلف الحضور . فأين كان اللي تقول ماسكته زوجته وامه فقد كان مع ربعه من بداية الهية والرجال اذا مايعرف السالفة لايعبرها وينتقص حق الرجال فما شفنا احد منهم او من باقي الدواسر او غيرهم سجن وحقق معه غير الغرابا. وحكم ايضا على المري بالقتل وتدخلوا الرجال وقالوا رجال برجال وتساوقوا الدية بينهم. ومما يذكر ان ال مرة كانوا شابين في الهرشان من قبيلة مطير قبل هيتهم مع الغرابا ومن عقب الهية يقولون هونوا ال مرة طاحوا في حديد مايوجعه من يطقه ويوجع من طقه. يقول ابن قصمول الغياثات الدواسر في قصيدة طويلة له يحضرني منها : بيض الله وجه ذربين الغرابا -------- ضربهم فيهم كما حلب بردية وسود الله وجه من عند الغرابا ------ يومهم مازهموا في الزايدية ويقول مسفر بن حسين ال برجس الطلاحبة الشكرة : قم يانديبي وارتحل عثوى السنام ------ نيها اللي من قديم بنت ني عليه نصها ربع عصاه ورد لهم سلام ------- ومن حضر في هية الصبح سلملي عليه ومن قعد ورى البيت خله لاسلام ------ يقصر الفنجال منه ولا يشفق عليه نا فدى اللي نومسونا على صبيان يام ----- كل عير ناهق قصروا قيده عليه لاد شكر يومهم هدوا كما ورد حيام ------ مثل سيل لاتنحت محاديره عليه العشير طاح في دقلهم خلي شمام ------- يوم طرت ثوبها حرمته تبكي عليه من على الجدان ذا وقعنا فيهم تمام ------- كم عقيد طاح من لابتي داجوا عليه وقال مسفر بن حسين ال برجس الطلاحبة الشكرة ايضا في قصيدة ثانية طويله منها : من عقب ذا ياراكبن فوق ضمر ----- قد هي على قطع الفرج دراب وقم السدايس مابعد شق نابها ----- حرايرن من منوة الركاب تسرح وتلفي لابة في الديرة ----- من عجلها ماتنقل المشراب غربية ياظفرهم في فعلهم ------ طريحهم داجت عليه ذياب واخيرا فطولة الزايدي طولة لي ويستاهلون بفعلهم وهذا العلم اللي مثبوت والرجال شاهدتن به ومعروف. يقول الشاعر: الحكي واجد و السوالف لها بعاج ------ وحكي بليا فعل يبطل دليله ويقول اخر: لازلت الفزعه عن الموقف الحار ------ وقت الرخا كل عقيد برايه ودمتم سالمين واللى الملتقى[/align] |
الساعة الآن 12:05 PM
 |
Powered by vBulletin® Copyright ©2000 - 2024, Jelsoft Enterprises Ltd.
---