ياليت منهو حاضر معهم اشمـام=حاضر معهم علي العسر والليـن
يـا نفـدا الي دبرو ا برجـال يـام=((خمسة)) لامن جاء الملاقا صامليـن
ضربهم في الراس مايخطي العظام=من علي العاضدين ضرب الراكدين
يوم جاء (( مجهار)) شق في الكمـام=ردهـم الله والله يـرد الخاينيـن
ترك الـي نايـر عنـد الجهـام=تفهـق يمينـه ماتقلـط للسميـن

بذكر الله عزيز الشان سبحانه = ربنا الي خلق الأمه ومفنيها
منصفن بين الامه عدل ميزانه = رافعن السماء وارضه مساويها
قال منهو يعدل زين قيفانه = في لزومه تهاوى صوب داعيها
ماتذم القبايل ذلقت لسانه = وجه ابيض من الزلات حاميها
جدنا الي عزيزن عالين شانه = زايد الي حما داره وبانيها
لابتي هم هل الناموس واركانه = في الحرايب ويشهد وقت ماضيها
كم حفيفن خذينا منه ذيدانه = عند الابيات ولا في مضاميها
من لحق عندها ماشاف خلانه = فاختتهم وفاخت شوف راعيها
ومن غزانا كسرنا راس شيطانه = لين يرجع من الهدات ناسيها
يوم (( مجهار)) جانا هو وقيمانه = صوب ربعي بقيمانه يقديها
((عينو خمسة))(ن) والرب ماعانه = من ذلوله طمر ماعاد يبغيها
من دبشنا حزين ويبغي زيانه = حن جنبها وترتع في مفاليها
من كثير الكلام يكفي سمانه = عقب الي هروجه كاذبن فيها

وقف ((ابو حامد)) تفاق مزويه = تقفى يابو حامد مضرابهم زاني
اول ندب طيرت راعي العمانيه = غتما مضاريبها في القوم قد باني
يعيش ابو حامد ريف الخلاويه = واللي حضر كلهم من لاد ودعاني
اولا طعنهم كلوهم ذا اليمانيه = ما بيننا وبينهم سد وحداني
كله لعيناك يالبنت السنافيه = اللي شعث ذودها تزهم الحمداني
قد ((غار مجهار في تسعين منقيه))) = على ابلها يومنا في الظل نعساني
ضربت خمس وانا في الظل وقافي = والخمس ما اخطتهم بتدبير رحماني
كله لعينا فحلهم شامخ نيه = والعيون نوره مع حلوات للباني
يعرفون غتماي ماتثور مرميه = لازم يطيح الهدف من حيث ما كاني
قد كد منها عقيد القوم بالحيه = شيخ يبي ذودنا من ديرته عاني
ياما حضرنا بها صبح وعصريه = وفي كل وقت اثيب اللي بينخاني
لونٍ ((مجهار)) يدري بالدبش ليه = والله يجنب مفاليها ولا جاني
ما توخذ الابل وانا عيني بعد حيه = وان اخذت الابل ترى الفنجال يعداني
ولا يقدم لي الفنجال مثنيه = زودٍ على اللي نها ر الهوش ما باني
لي بندق من خضاب الصيد مطليه = احب عندي من القاصين والداني
ما يامن البل واهلها كون حربيه = لاقيل هذا فريق فلان وفلاني
كل يخلي الدبش يرعى مفاليه = ترعى ولو ما قفاها كون رعياني
وبيوتنا من لحوم الصيد ممليه = وان جا ضيوفٍ جعلنا معه خرفاني
اقول واطول من ربعٍ عواجيه = الاد زايد و انا من لاد ودعاني

ويل من طاولكم يا الوداعين


لاهنت وعلومك غانمه

وفعل يبيض الوجه

السلام عليكم ورحمة الله وبركاته



الأخ العزيز ( تركي الودعاني ) كفؤ والله لاد ودعان يعقدون الحبال ويحلونها ، الله لا يهينك على هالموضوع الذي يعتبر أكثر من رائع ، أتحفنا الله لا يهينك بمثل هذه المواضيع ، وبيض الله وجهك مرة أخرى .


تقبل تحياتي ،،،



أخوك :- الهيلاني .

المشاركة الأصلية كتبت بواسطة الهيلاني السلام عليكم ورحمة الله وبركاته الأخ العزيز ( تركي الودعاني ) كفؤ والله لاد ودعان يعقدون الحبال ويحلونها ، الله لا يهينك على هالموضوع الذي يعتبر أكثر من رائع ، أتحفنا الله لا يهينك بمثل هذه المواضيع ، وبيض الله وجهك مرة أخرى . تقبل تحياتي ،،، أخوك :- الهيلاني .

المشاركة الأصلية كتبت بواسطة يحيى الودعاني تسلم أخوي تركي ، ولاهنت يالقرم ، دايم اعلومك غانمه .