|
ماحسبنا حساب داعش والخوارج ( مسعود المقيبلي )
السلام عليكم ورحمة الله وبركاته:
أسعد الله مسائكم بالخير والمسرات هذي بيتين لشاعرنا الجزل / مسعود بن سعد المقابلة ، قالها بعد حادثة شرورة هذا اليوم الجمعة 6 رمضان 1435هـ بعد مقتل احد افراد سلاح الحدود بالوديعة بشروره الشهيد/ فهد بن هزاع بن جريذي المخاريم الدوسري ، وقد غرد شاعرنا في تويتر بهذين البيتين اللي تكفي عن قصائد:- ماحسبنا حساب داعش والخوراج ومن رضى في فعلهم ماهوب منا دون حد الدار ناطا كل مارج ونشتري بارواحنا راحة وطنا لا مانع من المجاراة من شعرائنا المميزين :icon6: |
رد: ماحسبنا حساب داعش والخوارج ( مسعود المقيبلي )
الله الله عليك يابو سعد الله يصح لسانه ولسانك يابو محسن
الفكره طيبه ياليت شعرائنا يتفاعلون ونطلع بملحمه يجسدها الوفاء والولاء |
رد: ماحسبنا حساب داعش والخوارج ( مسعود المقيبلي )
ارحب يابو حمد
صح بدنك نيابة عن ابو سعد بيتين من ذهب فعلاً وسلم لسانه ويستاهل الوطن وولاته منا الوفاء والولاء مادمنا وإياهم على الحق سواء تقبل ودي وتقديري ،،،، |
رد: ماحسبنا حساب داعش والخوارج ( مسعود المقيبلي )
ابيات من ذهب ولاتستغرب الجزاله من الشاعر مسعود المقيبلي
وفكره ممتازه يابومحسن... بانتضار شعراءنا وابياتهم سلمت يمينك والله لايهينك |
رد: ماحسبنا حساب داعش والخوارج ( مسعود المقيبلي )
اقتباس:
وفكرة رائعة ان يجاريه الشعراء ونبي نشوف بيتين لك يابو شافي تراك شاعر لك حضورك المميز ،،، |
رد: ماحسبنا حساب داعش والخوارج ( مسعود المقيبلي )
حسن بن بطحيه يقول :
فضل من نزل تبارك والمعارج قدرته تردع فلول الشر عنا مايزعزعنا نعيق وهرج هارج ولابغير الله رجينا واستعنا |
رد: ماحسبنا حساب داعش والخوارج ( مسعود المقيبلي )
اقتباس:
ياسلام يابو حمد وصح لسان حسن بن بطحيه بيتين قمة الجزالة لاعدمتك يالذيب ،،،، |
رد: ماحسبنا حساب داعش والخوارج ( مسعود المقيبلي )
العدو لبلادنا ماله مخارج
حافظين حدودنا منا ومنا بطايرات الجو وبسفن البوارج شرقها والغرب والشام ويمنا |
رد: ماحسبنا حساب داعش والخوارج ( مسعود المقيبلي )
اقتباس:
الله الله يابو منيف صح لسانك بيتين من ذهب والله يحمي بلادنا ويقوي رجال امننا |
رد: ماحسبنا حساب داعش والخوارج ( مسعود المقيبلي )
صح لسانك يابو سعد وابيات وافيه ليست غريبه منك في الوطن وابناء الوطن
|
رد: ماحسبنا حساب داعش والخوارج ( مسعود المقيبلي )
اقتباس:
يستاهل ابو زابن وكلامك عن ابيات طال عمرك :14: |
رد: ماحسبنا حساب داعش والخوارج ( مسعود المقيبلي )
الجهل في مجتمعنا شي دارج
نهمل الجاهل عشان يصد عنا مير لا ضيق علينا في المخارج والله ان يمسي على ما لا تمنى |
رد: ماحسبنا حساب داعش والخوارج ( مسعود المقيبلي )
الله الله يابو تميم
صح لسانك ملايين ابداع وجزالة غير مستغربة تقبل ودي وتقديري ،،،، |
رد: ماحسبنا حساب داعش والخوارج ( مسعود المقيبلي )
راجس الخضاري يقول :
والله المعبود للشدات فارج لا علقنا في حباله ماخذلنا دام حكم الشرع والتوحيد دارج والله إن الريح ماهزت جبلنا |
رد: ماحسبنا حساب داعش والخوارج ( مسعود المقيبلي )
عبدالله بن فهد الصخابره يقول :
جل ربٍ دايم للضيق فارج من تمسك في حبل جوده تهنا مايزعزع دارنا ناعق وخارج ياهبيل الراي ويلك ذا وطنا |
رد: ماحسبنا حساب داعش والخوارج ( مسعود المقيبلي )
فالح بن تميم الخييلات يقول :
الجهل في مجتمعنا شي دارج نهمل الجاهل عشان يصد عنا مير لا ضيق علينا في المخارج والله ان يمسي على ما لا تمنا |
رد: ماحسبنا حساب داعش والخوارج ( مسعود المقيبلي )
صالح الصليبي يقول :
حاضرين ً بالقواصف و البوارج مع صقور الجو كان الطبل دنا والجحافل سيلها مرهب ودارج بالرجال اللي على الداعي تثنا |
رد: ماحسبنا حساب داعش والخوارج ( مسعود المقيبلي )
صح بدنك يا راشد
ولاهنت يابو حمد |
رد: ماحسبنا حساب داعش والخوارج ( مسعود المقيبلي )
عبدالله الغزي يقول :
دون حد الدار ندحر كل خارج تحت راية ابو متعب منتونّا العدو منا تضيق ابه المخارج من جهلنا يسأل التاريخ عنّا |
رد: ماحسبنا حساب داعش والخوارج ( مسعود المقيبلي )
عبدالله الصليبي يقول :
من خفافيش الردى الله يخارج فرق بين مسيلمه و ابن المثنّا حن حماة الدين عالين المدارج لا بدا اللازم شبوب الحرب منّا |
رد: ماحسبنا حساب داعش والخوارج ( مسعود المقيبلي )
شافي بن راشد النتيفات يقول :
بامر من نزل تبارك والمعارج مايزعزع لامننا منهو تعنا وان هرج من يمة اهل الشر هارج كلنا مثل بن هزاع استعنا |
رد: ماحسبنا حساب داعش والخوارج ( مسعود المقيبلي )
اللهم جعل كيدهم في
نحورهم داعش و كلابه |
رد: ماحسبنا حساب داعش والخوارج ( مسعود المقيبلي )
شافي المخاريم يقول :
قبل والاجداد بظهور المسارج وسعو احدود الوطن منا ومنا السنتهم ماتقول الله يخارج ينطحون الموت صمله ما تثنا وحن علينا حفظها من كل هارج من عبث بالدار ما والله يتهنا |
رد: ماحسبنا حساب داعش والخوارج ( مسعود المقيبلي )
عبدالله بن شبيب يقول :
في جنوب الدار جهزنا البوارج والخوارج ماتهنّا في بلدنا الجنود مِرابطه عند المخارج والحدوود محصّنه منّا ومنّا والدواسر حبهم للدار دارج لجل حب الدار قدمنّا ولدنا |
رد: ماحسبنا حساب داعش والخوارج ( مسعود المقيبلي )
صحح السنتكم جميع
ورحم الله شهيد الوطن فهد المخاريم وتقبله في هذه الأيام المباركة .. |
رد: ماحسبنا حساب داعش والخوارج ( مسعود المقيبلي )
مانهاب الموت لو الدم دارج
دون حد ديار ديرتنا واهلنا والله الي لكارب الضيقات فارج حن احمات الدار وحن زبن المجنا |
رد: ماحسبنا حساب داعش والخوارج ( مسعود المقيبلي )
من يشك بقدرت الابطال مارج
لوتحاوده القدر منا ومنا حن هل الوقفات لامن ناض بارج نتقن الحبلات لامنا حبلنا |
رد: ماحسبنا حساب داعش والخوارج ( مسعود المقيبلي )
احمد عايش الميموني يقول :
الفتن نيرانها قامت تسارج/ يالله احفظ دارنا الطاهر واعنا ماحدن غيرك لقوا الكرب فارج/ استعنا بك ياربي واتكلنا .!! |
رد: ماحسبنا حساب داعش والخوارج ( مسعود المقيبلي )
مشبب بن عرنان يقول :
الوطن امانةٍ داخل وخارج ساكنٍ فينا قبل نسكنه حنا والذي نزل تبارك والمعارج رايته تحما ولا متنا كفنّا |
رد: ماحسبنا حساب داعش والخوارج ( مسعود المقيبلي )
عامر النتيفات يقول :
الوطن في حفظ من للكرب فارج دام شرع الله هو النهج المسنا ودونه رجال العقيده ماتهارج ترخص الأرواح لأجله يالمجنا |
رد: ماحسبنا حساب داعش والخوارج ( مسعود المقيبلي )
محسن الدوسري يقول :
آبتدا مسعود والموضوع دارج عن كلاب الفرس يخسى من هدنا الولد منا مايبحث للمخارج ننطح الموت الحمر من يوم كنا |
رد: ماحسبنا حساب داعش والخوارج ( مسعود المقيبلي )
رميص بن سعد ال عمار :
ثارت الفتنه وعروها الخوارج واستباحوا دم عسكرنا واهلنا عقب اللي مايجهز كل سارج الحياه انا نجاهد عن وطنا |
رد: ماحسبنا حساب داعش والخوارج ( مسعود المقيبلي )
|
رد: ماحسبنا حساب داعش والخوارج ( مسعود المقيبلي )
محسن ال بريك يقول ؛
كل م ادرجنا من اعدانا مدارج قُدمه برب المخاليق استعنا من تقمز في نحرنا م تخارج دون عزتنا مافينا من تونّا |
رد: ماحسبنا حساب داعش والخوارج ( مسعود المقيبلي )
شنار بن عامر الشكره يقول :
الوطن من دون حده ما ندارج مرخصين الروح ما فيها مثنا واقفين للعدو مثل البوارج وشاربين الموت بعصور مضنا |
رد: ماحسبنا حساب داعش والخوارج ( مسعود المقيبلي )
عبدالله بن ماجد الصخابره يقول :
دام حاكمنا بسيف الشرع فالج والله ان يبطي المعادي ماخذلنا كل منا عن لخيوله وسارج لادعى الداعي حضرنا منتونا |
رد: ماحسبنا حساب داعش والخوارج ( مسعود المقيبلي )
محمد حمد الشكره يقول :
فكرهم معروف من بين الخوارج شلة (ن) قامت تعبّث في وطنّا لايهمك ياوطن حاسد و هارج دون حدك ياوطنّا مانتونّا |
رد: ماحسبنا حساب داعش والخوارج ( مسعود المقيبلي )
مبارك بن محمد ال عمار يقول :
الفتى منا يساويله بوارج دون حدك لايهاب ولايتونا دون حد الدار مانبغى مخارج دونه الموت الحمر منا ومنا |
رد: ماحسبنا حساب داعش والخوارج ( مسعود المقيبلي )
عقاب بن هذال ال بريك يقول :
علموهم كان يبغون المخارج والله ان يبطون مامسوا وطنا دون موطنا ترانا ما ندارج ناقف بـ ساقاً قدمها ما تثنا |
رد: ماحسبنا حساب داعش والخوارج ( مسعود المقيبلي )
اقتباس:
يامرحبا يابو هادي مالي طيب نفدا خشمك ونتعلم منكم ياادارة هذا الصرح الشامخ والحمدلله على تفاعل شعرائنا وهذا التلاحم الطيب ويستاهل ابو محسن صاحب الفكره ويستاهل الشاعر الكبير مسعود واشكر اخواني اللي ردوا بكلام طيب عن الموضوع |
الساعة الآن 01:56 PM
 |
Powered by vBulletin® Copyright ©2000 - 2024, Jelsoft Enterprises Ltd.
---