دواسـر فعلهـم بالمـدح ياسـر=اهل الامجـاد خطـلان الايـادي
رجال ٍ من على التاريـخ الاول=تصون الحـد وتضـد المعـادي
على القالات ومصالا الحرايـب=رسوا والشره ينصونـه عمـادي
ياكم خصم ٍ شكا الضدات منهـم=كسـر ولا تعشـتـه الحـنـادي
ايلـوا باعدهـا الامثـال واجـد=مواقف مرويـة حـدب الهنـادي
هم الحصن الحصين اللي يزبـن=الا يا سعـد منهـم لـه سنـادي
اهل شيمه واهل كـرم وشجاعـه=واهل رايه واهـل راي ٍ قيـادي
واهل نخوه واهل خـوه وجيـره=مقاطع حـق عـراف ٍ عـوادي
واهل غرس ٍ واهل ملك وحضاره=واهل حردٍ واهل سرد وعتـادي
واهل حدٍ وسيـع مـا يوصـف=مساييـل تنثـر فـي حـمـادي
من الوادي الى الخـرج وشمالـه=على ما حدر العارض قصـادي
واهل علم واهـل سلـم وبـداوه=واهل مارد واهل قفـر ومنـادي
هل ابل فالمهامـل هـم جنبهـا=من الحد المطـرف مـا تحـادي
ينوسون الخطر فـي كـل ديـره=لا زاف العشب بحلول البـرادي
ومعهم جارهـم عصـاه توسـم=على عيون الملا يمشي عنـادي
علـى مشهـاة نفسـه يهملونـه=ولا حدٍ ينشده وين انـت غـادي
غداء سلـم ٍ لهـم بيـن القبايـل=يوم ان الوضع من قدح الزنـادي
نعـد اللـي سمعنـا ونتفـاخـر=بعلم ٍ صدق ماهـوب اعتقـادي
بدون قصور في باقـي القبايـل=من اهل الطيب من حضر وبوادي