|
رد: عبيد بن حمدان
عز الله انك ماقصرت يايحيي
وبيض الله وجهك على الموضوع الرائع عن شاعرنا اكبير عبيد بن حمدان بن عجعج الدوسري |
رد: عبيد بن حمدان
يحيى بيض الله وجهك ولا قصرت بس القصايد اكثر من كذا وتراني مستعد في الخدمة لو تبي نزلها كلها في هذا الصرح الكبير عبيد ابن حمدان شاعر كبير وشهادتي فيه مجروحه المهم تراني جاهز مثل ماقلت لك تقبل مروري لك مني أرق التحآآآآيا |
رد: عبيد بن حمدان
الله يرحم الشاعر عبيد بن حمدانُ
ولاهنت يا يحي على الشماركه الطيبهُ وبارك الله فيك |
رد: عبيد بن حمدان
ناصر بن فياض مسيك بلخير
ياليت تضع ماعندك من قصايد لهذا الشاعر الله لايهينك |
رد: عبيد بن حمدان
لاهنت على هذه السيرة العطرة عن الشاعر والمجاهد عبيد بن عجعج رحمه الله
وله من القصائد الكثير وهناك قصيدة بعنوان: الهوى ياهل الهوى وافطنوا ليّـه ويقول فيها: ليتني ماجيت أنا الرجم عصريه=جعل ما يسقيه من الوبل رعادي جيت راسه دالهٍ ما لنا نيه=ما طراني باتهيض بلنشادى هيضتني بالمراقيب قمريه=غطرفت بالصوت من بعد غرادي إفتكرت وبان مهياعها ليه=واقبلت جل التماثيل ورادى في ضميري حل بدوٍ وشاويه=مالهم ضيق على اليوم ينقادي من يدور كاتباً يزهمه ليه=يوم ما عينت للشعر ذوادى يا مبارك سعد هجنٍ خلاويه=والمزاهب خالياتٍ من الزادى طالبك يا مسندى وافتكر فيه=وانتظر حال دنا منه النفادي مسندى ذا الشيب قد هو سبق فيه=بانت إسبوره على روس لشهادى أطرد الدنيا وهي ما استوت ليه=عزتي لي ياعرب ويني غادى آه بحرٍ جهش صافق الميه=لافهد قامت صيلفات لنوادى غبته سوداء على السفن خطريه=والهواء طوفان والموج يزدادي قلبي الميلاف كثرت طواريه=والمعاني جابهاتن وأفرادى يا مبارك بازهمك وافطنوا ليه=من برك ينخا شغاميم لا لادى هات حبراًً وهات قرطاستك ليه=والقلم نكتب جواباً على القادى مبتداها كل قلبٍ وطاريه=كلمتي ماهيب في غض لنهادى والله مالي في الهواى كون مزويه=يوم أشوف أوقوعها يطرب إفوادى الهوى ياهل الهوى واسمعوا ليه=صحبة اللي مايجي درب لنقادى والهوى خمسٍ على النار مركيه=نجرهن يجذب مع الليل لجوادى عاش من هو يحتزى دايماً ذيه=مجلسه من خسرة الجود ميرادى هاظني لعب توارد قوافيه=قمت أصرفها على كيفة أمرادى يا نديبي دن تسعين عمليه=حيمران ربعاً تختخ هادى ربعاً وادى الرشا عقب وسميه=كل زملوقٍ رعنه من البادى ماخلطها كون عفراً ودرعيه=جدهن ظبيان منسوب لجدادى حجل ليدى روحن عقب عصريه=مثل ريماً ذيره قانصٍ عادى وجهت والله يسمح لها النيه=ما حلا ركب النظا فج لعضادى فوقها ربع نشاماً فداويه=ضربهم مايخطي الراس ركادى كنها يوم إغتشت راس حزميه=جول غزلانٍ رموها بمطرادى أو قطا لافر من جال مطويه=أو نعامٍ شاف شوفاً توكادى أقبل المركوب والربع حربيه=والرقيبة قدمهم له توقادى نوخت في بيت ربعٍ هلاليه=منوة الضيفان لاكمل الزادى في مجاليس على العز مبنيه=كل كيفٍ عندهم ماله إعدادي آل درعان صقورٍ نداويه=لاوزا المجرم بهم أمله إنقادى وان لفاهم عاني نال مبغيه=دايماً واصحونهم فوقها أضمادى وآل زايد كلبوهم على ذيه=فعلهم يشهد بطولات وامجادى والقبايل حقهم وافي هيه=كلمتي تعني بلمداح لجوادى بلغوا ربعي سلامين واتحيه=ذوقه أحلى من لبن كل محشادى وافضل التسليم صلاة مثنيه=للنبي ما ناض برق ورعادى الله يرحمه ويسكنه فسيح جناته فارس وشاعر لا يشق له غبار |
رد: عبيد بن حمدان
يا هلا و مرحبا بالجميع
حيا الله كلن بأسمه لاهنتوا |
رد: عبيد بن حمدان
السلام عليكم
الاخ ناصر فياض الودعاني بالنسبه الا عبيد ياليت تجيب لي قصيده الي تقول رزيتلي في الهواء قصرا بكيلونه مايدخله كود واحدا مامعه ثاني ياليت تجديبها لي كامله بالقصه والسالفه الي حصلت في السوق مع ابن مهيزع استفزعت بالشاعر بتال بس الضاهر ماحصلها ونى عندي خبر اني بلقاها عندك وكنت ابرسل عليك احد يجيبها بس دام انك موجود الله لايهينك لاتبخل علينى بقصائد الشاعر والفارس الكبير ابن عجعج رحمه الله وانى لقاء ان شالله |
رد: عبيد بن حمدان
السلام عليكم ورحمة الله وبركاته :
اخوي الغالي يحيى الودعاني الله يعطيك الف عافيه على هذا الموضوع ولكن قصيدته اللي في اخوة مبارك يقصد بها مدح اسرة ال درعان العريقة وهم يستاهلون المدح وياليتك بينتها لانها باينه انها مدح في ال درعان ولكن كانت المقدمه في اخوه مبارك ويريد منه ان ياتي بالورق ويكتب ويرسل القصيده لا ال درعان الف شكر يالغالي على اهتمامك في علم من اعلام الدواسر في الشعر الحربي والغزلي والنصح والحكمة . اخوك/مغترب الديار ... |
الساعة الآن 03:08 PM
 |
Powered by vBulletin® Copyright ©2000 - 2024, Jelsoft Enterprises Ltd.
---