من يوصل المكتوب لفاعل الخير=واللي لفاه يبلغه بالسلامي
سلاماً أحلى من لبن شمخ النيب=واحلى من البارد على كبد ظامي
لفهد زبون الحرد راع المواجيب=له عندنا حشمه وقد ومقامي
ليجاه ضيف الليل هلا بترحيب=ويذبح من الجزلات ماهي هلامي
يتعب على الطولات ويجنب العيب=طيب وله بقصا الضمير أحترامي
زودا على ربعه يجونه الأجانيب=ويضحك أحجاجه للنشاما دوامي
بالمرجله فهد يدوس المصاعيب=ويقوم بالواجب سريعاً همامي
حلحيل لا صكت عليه المغاليب=وقرماً بعيد عن طريق الملامي
برفع له البيضاء بروس المراقيب=ما دام ظلع أطويق بين وزامي
وتم الجواب اللي كتبته بترتيب =وختامها مليون مني سلامي