قبل أبدع القيفان بثني على الـرب=اللي حفظ شيـخ يقـود الطوابيـر
وحمده مابيـن الأذانيـن وشـرب=جزل المعاني لجل تهـدى مناعيـر
سـلام ياسبـعً عنيـدآ مـعـرب=مثلك بساحات الوغى لـه تفاكيـر
الخصم من شوفك على الوجه سرب=بقدوم بن علـي لفتنـا التباشيـر
وقول ياعاصـي القوافـي تقـرب=في مدح أبو عبيد نصتك الهواميـر
في حفلكم جينا نشـارك ونطـرب=ببيـات شعـر ماتوفـي التعابيـر
مثلك علـى ذب المعالـي مـدرب=في وقتنا إللي صار كلـه معاثيـر
جدك وبوك ونشئتك هم هل الحرب=من هازنا يبشـر بربعـه مكاسيـر
حنا الدواسـر كـل منـا مجـرب=شيوخنا تارد علـى العـد وتسيـر
صبينـا لامـن تعـزوى تـهـرب=عدونا من خوفته مـا المخاسيـر
الموت حق ولا عن الموت مهـرب=ويخلد التاريـخ مـوت المشاهيـر
حنا دروعك ياوطن وجـه السـرب=والكل مخلابـه يقـص المساميـر
يازمرة الإرهـاب فكـرك مخـرب=وحنا على الحد الجنوبي جزازيـر
والغاشم الي في الحـدود يتسـرب=من شان أبومتعب تجيك البواتيـر
وختامهـا بقـول يـارب يــارب=تحمي وطنا من صدوف المقاديـر

بيض الله وجيه قبيلة آل مطلقه الوداعين على إقامة هذا الحفل بمناسبة سلامة النقيب البطل عبدالعزيز بن عبدالله آل مطلقة الودعاني ونحمد الله جميعاً على سلامته ونسأل الله أن ينصر زملائه المرابطين على الحدود الجنوبية على كل معتدي.


وتقبلوا تحياتي,,

بيض الله وجيه قبيلة آل مطلقه الوداعين على إقامة هذا الحفل بمناسبة سلامة النقيب البطل عبدالعزيز بن عبدالله آل مطلقة الودعاني ونحمد الله جميعاً على سلامته ونسأل الله أن ينصر زملائه المرابطين على الحدود الجنوبية على كل معتدي.


وتقبلوا تحياتي,,