![]() |
رد: الشاعر الكبير ابن بتلا المخيريمي الدوسري
يقول المنيعي والذي هيض الغنا= من عيلمن غزرن وانا قفل بابها كن القوارع يوم عدلت قافها = فقرن معا بطحاً يفوح اقتلابها ابني على ما ارى على قد خاطري= واقلامي لساني وقلبي كتابها من عقب ذا يا راكبن عيدهيّه = وقم السدس واّلا مظاهير نابها ركّابها ظفرن دليلن ليا هرج= وان حيل بالحيلات يقطع عقابها تلفي لنا شيخ الضمانين ظافر= عطنا جوابه واسرعوا بانقلابها قل له تعدّايه يبي ورث جدنا= هو عمد والا غرتن ما درابها فان كان ذا جهلن عذرنا لجهلهم = وديارنا متعذّرتهم جنابها فان كان خضرينن طراباً لحربنا = فحسو العدد جينابها في حسابها هجف الخشيب الضيق جوّارة الثمن= ومكثرينن كنز عده زهابها بيدين ربعن تنثر الدم في اللقا = كم حف قومن علّقوهم صوابها (لاد المنيعي) من على الجد والولد = هيشة يسودن عذبت من عدابها قد جيت يا الخوّان في ماجب الخطا = تبغي حدودن قبلكم ما انهقابها زغوا لك الشيطان من كثر جندكم = تقدا جرودن ما يقيّم حسابها وانّا نجي عشرين نقّالة التفق = ما حن بواجد مير جينا عذابها هيلوا علينا فارتكينا لجمعهم = بمسللاتن مدبحاتن رقابها نقعد بها العايل ليا ساقه الشره = ماوٍ كما وصف البرد من سحابها أول هددنا مسلطن وابن مرزح = احدن عشاً للطير واحدن قضابها لين انثنوا عزرن على الكره والرضا = يقولون ليت اطماعنا انلد بابها وتناوشوا رنيه على الطوع والصعب = وخلّوا معوثتهم تعاوا كلابها برّد على كبده بورعن وشايب = عودن حياته زل مقدم ثوابها فزدنا حروره بابن هايف محمد = ظفرن وعيد اللي حفاياً ركابها لبست هنوفه غبرتن عقب حليها = وخلّي دلاله تحتثي من ترابها وخميّسه في حامي السوق وقّفت = وهي كل يومن كان يسحق خضابها هذا وغيره مقبلن مير ينتظر = سود الليالي بد تجلب غيابها الحسو لك تاليه يا محسن الحكا = في قيفتك واّلا نوادي حبابها والله لا لا مالك البر والبحر = اللي له الشيخان وطّت ارقابها ان قد نجيك مجاهر العين في الضحا = نجعل وهاياً ما يرقّع خرابها لين المشارب يركدن عقب كدرها = والعين ترغب للدوا من غضابها ويستقنع الطمّاع يرغب لمملكه = من دورة أطماعن ولا هوب صابها حدّانا يا معمس الراي والبصر = قبلك من العربان كم من نوابها مير احتموها لاد زايد بفعلهم = بالبذوب واللي مرهفاتن حرابها وكلن عجز من سلمه اللي به اتعبوا = يهمل حلاله جارنا لا وزابها وفي حدّها تمّن عصانا خويّنا = وكلّن يجنب طرقته لا درابها يوم ان خويّك تاخذه قبل يغتبي = وشيبانكم يقضون بالجار نابها وشهودي الاد ابن مسرد هل النقا = في سرق بدّك كثّر الله خرابها وختمت جوابي قلت صلّوا على النبي = يا حاضرن قولي بختمت جوابها والقصيده الثالثه سأبحث عنها وآتي بها إن شاء الله مع قصايد أخرى له وتقبّل تحيات أخوك متحري الصدق |
رد: الشاعر الكبير ابن بتلا المخيريمي الدوسري
بن مشخص المسعري
بيض الله وجهك على نقل موضوع عن الشاعر الكبير بن بتلا وعساك على القوه |
رد: الشاعر الكبير ابن بتلا المخيريمي الدوسري
صح السان ابن بتلا المخيريمي وصح السانك يابن مشخص وبيض الله وجهك على علومك الغانمة
|
رد: الشاعر الكبير ابن بتلا المخيريمي الدوسري
اقتباس:
فان كان ذا جهلن عذرنـا لجهلهـم **** وديـارنـا متعذ ّرتـهـم جنابـهـا >>> :) ياسلاام متعذرّتهم جنابها لله درك من شاعر .. درع وسيف قاطع للدواسر متحري الصدق اذا عندك ايميل ارجو التواصل .. ايميلي تجده في التوقيع |
رد: الشاعر الكبير ابن بتلا المخيريمي الدوسري
صح السان ابن بتلا المخيريمي
وصح السانك يابن مشخص وبيض الله وجهك على علومك الغانمة لا هنت يالسنافي. |
رد: الشاعر الكبير ابن بتلا المخيريمي الدوسري
الاخ الغالي بن مشخص المسعري
وين بألقى كتاب الهولندي " البدوي الأخير "؟؟؟؟ وهل بألقاه مترجم ...... وإذا ما حصل مترجم وين ظنك بألقاه ؟؟؟؟ |
رد: الشاعر الكبير ابن بتلا المخيريمي الدوسري
الله يعافيك يابن مشخص
على هالموضوع عن الشاعر ابن بتلا المخيريمي - الله يرحمه - |
رد: الشاعر الكبير ابن بتلا المخيريمي الدوسري
يا اأخوي نايف الخييلي الشاعر ابن بتلا حي يرزق الله يطول عمره على الطاعه
وعلى كل حال الله يرحمنا كلنا |
رد: الشاعر الكبير ابن بتلا المخيريمي الدوسري
لاهنت على القصائد الرائعه للشاعر ابن بتلا الهمله المخاريم
شاكرلك على ما قدمته |
الساعة الآن 02:38 PM
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Powered by vBulletin® Copyright ©2000 - 2024, Jelsoft Enterprises Ltd.
---