هيض القلب تالي الليل ذيب عوى=يوم شرف على المرحان شاف العنين

هيهات من يسلم من الشوم واللوم=رضا الناس فيها غاية ماترامي
ماذكر مخلوق عن العيب معصوم= الا الذي ظلل عليه الغمامي

ياناصح الناس بعيوبك = ليتك لنفسك تعلمها
يبين جهلك بمكتوبك = وسفاهتك والله فاهمها

أنا دخيلك ياعظيم الجلالي=حاشا كرم جودك يضيع دخيله
تبريت من غيرك بحالي ومالي=ولجيت أنا بحماك من كل حيله

هب الجنوب بريح من راح ونزاح = وازداد وجدي يوم شميت ريحه

هذا زمان كاثرات بلاويه=الغيم يقلب فيه عج وكتامي

ياليت بعض العرب يسمح يحاكيني=لاشك قل المعرفه مابها حيله

ياناس احبه واحب اسمع سواليفه=صوته يشتت هموم عايش فيها
يامر وينهي وانا دايم على كيفه=ارجي ورود الهوى تنبت بااراضيها
لمن ضحك لي خذت قلبي تواصيفه=ولمن زعل عفتنا الدنيا ومافيها

الله خلق دنيا وساع فججها=وعن مايريب القلب لك كم منهاج
والرجل وان شطت لياليك سجها=عسى تواليها نبشر بالافراج