ودك ليا من جاتك الغلطة من الناس القراب=الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب=قلطتهم صدري على ذكرى قصيد وحنجرة
صوتٍ يصول منبره وخطاب مامثله خطاب=والطيبة اللي زعزعت صوت الخطيب ومنبره
مافي دمعٍ صوبوه أحبابي بوجهي وخاب=ولا زرق حزني على غالي ولا فج أنحره
كل الزهاب اللي معي ذكرى من أصحاب الزهاب=واللي بقا لي من عذاب أشرس طريقي وأخطره
لأني تجنبت الغرق, عديت من فوق السحاب=لأن أكثر أصحابي ورق ماشفت للطيب ثمره
والله ماحطيت بين الحقد والخوة حجاب=حتى غدو ربعي يحدوني على الضيق أشكره

شوفك يبل الروح بل السحابه=قفرً يبس عشبه ونشت عروقه0

يازين سق الوصل واسق الارض=حبك ملكني والقلب ارضه
بالحب من حبك القلب منجض=يجض لشوفتك تسعين جضه
حذر لشوفتك ولشوف ينهض=عذابي يالعذاب ترى رضه
من هول ماشفت انا بالفرض=سقم العذاب اللي توارت مخضه

دونها سـود المعـارك وشهبـن تطحـن=مسرجاتن ماركبها مـع الصـك إصلبـي
دونهـا شـل العـزاوي ونـارن ولعـن=من طمع فيها يقفي على البطـن إيحبـي
دونهـا ثـم دونهـا دنـدن الحـراب دن=دن قلبـي دن قلبـي والجبـان مغيـبـي
دونهـا ربعـي وربعـي تسابـق لدحـن=سعد مضيومن لفاهم بالجـروح إمعطبـي
تدمع إعيون الهـواوي فـرح لادرهمـن=في حياها عقب طـول السنيـن الجدبـي
كن فحلها في وسطهـا كبيـرات السفـن=لاصفـق وسـط الثنايـا ونيقـن شيبـي
كـن حقايقهـا حليقـة بناتـن يمزحـن=من تطاول في غزلهـم لزومـن يتعبـي

ان جتني الغلطه من اهل الفكر والراي السديد= اكيد ببحث ثم اميز هزلها من جدها
لاشك لاجت من قليل العرف او شخصً بليد= اطنشه واصد عنه وذا جوابي عندها
ياما تحملت الخطايا من قريب ومن بعيد = إيلين بعض الناس تجبرني ماعاد اعدها
والمشكله لاجيت افكر صاح جرحي من جديد= وانا تعبت اطوي جروحي بالحشا وامدها
ولا قول انا خير الملا لكن لي عقلً رشيد=اوزن به الكلمه قبل لا انطق واسجل ردها
ولافيه كامل غير رب الكون خلاق العبيد=اللي يحل المشكله لي من بغا ويصدها

بكيت وعيون النشاما لو بكت=اعيونها تبكي على شي (ن)كبير
البارحه والعين بالدمع اذرفت=والكون كله صار في عيني صغير
اركاب حزني في ضلوعي نوخت=والهم قصاف العمار اصبح خشير
مثل السجين اللي دروبه قفلت= ولابقاله غير مثواه الاخير
الشمعه اللي في بدايتهاطفت=الله يعوضني عن الشمعه بخير
ممداني اقول اسفهلت وامطرت= الاوانا اسكب دمعتي مثل الغرير
ياصاحبي مهمادروبك قفلت=وجه بوجهك فوق للحي القدير
اللي عباده عند بابه وقفت=تبغي رضاه ومن عذابه تستجير

دويــــــــف الـــــــــداف.. صــــويـــــف الــــصـــــاف صــــيـــــوٌف=جـوهــره جـوهــره لـيــا قــالــو جــوهــره بالـمـجـهـره تـعـلــوٌاف
ثـــمــــن غـالــي..طــمــن عـالــي..ســمــن حـــالــــي تــمــريـــوٌف=دفٌـــنـــت ابـيـاتـي..عـفٌـنـت ذاتــي..رفٌــنــت امـنـيــاتــي تـــلـــوٌاف

الطّيب لو ينباع نشريه بفلوس = كل ما عتــق أو قل نشري بداله
الطيب عند الناس بيّن ومحسوس = ما هــــــوب شربة بن ولاّ بيـــاله
الطيب هو جملة مشاعر بالنفوس = الله جمعها عنـــد راعي الجمـالــه
كم تاجرٍ يملك ولا فيه ناموس = وهــو ردي مـا تهــنّى بمـــــالــه
لاغاب حطوا به مناشير وضروس = وليا حضـر محـــــد يداني قبـالـه
وكم واحد بيته من الطين والخوس = كــريم طيّب قـــــام باللي عنا له
يفز له من كان بالباب وجلوس = من طيبته شــرّف عـمامه وخـاله
أدّب ولدك وعلّمه بعض لدروس = وهــو صغــير لا تــزوّد دلالـــه
ترى الدّروس تفيد من قبل ليبوس = لا شــــــد عـوده ما تجوّد حبــالـه
النّاس مخلوقه من أشكال وجنوس = مـن طاب منها طيــّب الله أفعـالـه